其實喺過去嗰三個月裡面我算過得好開心.
佢180'轉變,
好似開咗竅咁...
佢會成日call我,
平日約食lunch啦,
又或者放工去街咁.
以前通常都係我約佢,
如果唔係佢寧願返屋企自己搵嘢玩.
以前我覺得佢唔係咁想約得咁密,
有時仲投訴我無俾時間佢做自己嘢...
真係幾心傷...

但係前排就係調轉佢自己成日搵我,
約我係其中一樣啦,
另外有事又會call我同我講,
有嘢唔明又即刻call我問,
而且又成日同我講啲好sweet嘅嘢...
其實我真係好開心,
我覺得我作為佢女朋友就係應該成日喺佢心中.
咁樣令我feel到佢愛我.
而我自己亦對呢段感情多番啲信心.

不過...
唔知點解佢有幾日會無咁熱情,
放工會快快返屋企,
成晚都無打過電話黎...
通常係要之後佢變番"正常"時傾開偈,
先知道原來佢有樣新嘢玩,
例如係個新game,
又或者download咗啲programs試玩,
玩到好夜...

其實之後諗番,
佢只不過係要啲自己嘅時間做吓自己嘢,
當我知道呢個point嘅時候,
我完全覺得無問題,
非常接受.
但係好多時佢唔會之前同我講架嘛,
咁我睇黎就好似佢忽然失蹤,
又或者係唔知有咩嬲咗我所以唔揾我,
又或者唔再愛我...

我都知道咁樣諗得太嚴重,
不過可能之前發生過啲唔開心嘅事,
令我心入面嘅紅旗好容易豎起...

我知道要叫自己放鬆啲,
不過我都希望佢會明白我嘅感受...
其實大家都唔係錯,
只不過要互相協調,
先至可以開開心心咁一齊生活!