唔知點解, 我有一種好不安嘅感覺.
都咁夜, 未返屋企仲要唔聽電話...

好奇心驅使之下, 我走去上網.
走去某某個blog度睇.
其實我唔知點解要咁做,
但係我覺得可能我會從嗰度知道佢去咗邊.
(好奇怪嘅邏輯...)

第一次睇某某嘅blog, 心情好緊張.
好想睇但又好怕會睇到唔想睇嘅嘢.
我無心機睇個blog嘅內容,
只係好快咁睇吓佢有無成日留comments俾某某.
俾我睇到係有嘅,
但係唔係好密,
同埋內容都幾似普通朋友,
所以我都幾安慰.

當我差唔多想離開之際,
順便睇睇某某個photo album list,
個list可以睇到一張細細嘅相,
大概知道個album會有咩相睇.
差唔多個個album都係一大班人嘅,
都係xx birthday, yy birthday咁...
但係有一個album好顯眼,
因為有佢嘅單人相!!!!!!!!!
見到有個女仔嘅blog竟然放咗自己男朋友嘅單人相,
我嗰一刻真係好驚~
究竟佢地係咩關係?!

我即刻click入個album度睇,
嗰度只有四張相:
1) 佢喺餐廳
2) 佢喺餐廳
3) 餐廳一角
4) 某某喺餐廳
日期係"一月二十六日"

我當時個心好唔舒服, 好嬲.
因為佢從來無講過俾我知佢地單獨出過街,
而且仲咁開心影埋相留念!!
上次佢係都要去某某個party之後,
我已經同佢講過我真係唔鍾意.
估唔到佢竟然仲有約佢!!

我真係唔知應該點...
但係我一定要同佢講!!!